V. PROGRAMMA QUAESTIONUM AB 'ACADEMIA LOVANIENSI SINGULARUM DISCIPLINARUM STUDIOSIS IN ACADEMIIS ET ATHENAIS BELGICIS PRO CERTAMINE LITERARIO ANNI MDCCCXXIII E DECRETO REGIO XXV SEPTEMBRIS MDCCCXVI ART. CXL AD CIL PROPOSITARUM. QUAESTIONES AB ACADEMIA LOVANIENSI SINGULARUM DISCIPLINARUM STUDIOSIS IN ACADEMIIS ET ATHENAIS BELGICIS PRO CERTAMINE LITERARIO ANNI MDCCCXXIII E DECRETO RÉGIO XXV SEPTEMBRIS MDCCCXVI ART. CXL AD CIL PROPOSITE. I. AB ORDINE PHILOSOPHIE ET LITERARUM HUMANIORUM, I. Cum ad quæstionem anno proxime elapso propositam : « Conscribatur Historia Senatus Romani; ita quidem ut, accurate fontibus undique excitatis doceatur, quæ fuerit origo potestatis Senatoriæ; quæ ejus in rem Romanorum publicam, omni tempore, sub qualibet reipublicæ (Regiæ, Liberæ, Cæsarea) formâ, et vis et auctoritas; quæ hujus auctoritatis incrementa, vicissitudines, imminutio, interitus....» unica, quæ exhibita fuit responsio, præmio ornari non posse videretur, eandem in annum sequentem rursus proponendam statuit Ordo. II. Exhibeatur Commentatio Antiquario-critica De Judiciis Ephetarum apud Athenienses. III. Conscribatur Elogium ERYCI PUTEANI, celeberrimi quondam in Academiâ Lovaniensi Professoris. II. AB ORDINE MEDICORUM. Quæritur, ut exponantur varia doctorum virorum sententia de origine et natura Calli Ossium; deinde observatis in homine, nec minus experimentis in animalibus institutis, probabilior inferatur theoria ossium fractorum coalitus. III., AB ORDINE DISCIPLINARUM MATHEMATICARUM ET PHYSICARUM. Datis Exoctaedro et Icosidodecaedro (quæ sunt Polyëdra semiregularia, quorum prius sex quadratis æqualibus et octo triangulis æqualibus et æquilateris; posterius duodecim Pentagonis regularibus æqualibus et viginti triangulis æqualibus et æquilateris comprehenditur, quorumque omnes acies sibi sunt æquales) postulatur: Ut 1) hisce Polyëdris duobus regularia inscribantur eaque circumscribantur; 2) Rationes inter aciem cujuslibet Polyëdri propositi ad aciem Polyëdri regularis, tam inscripti quam circumscripti exhibeantur. Præprimis Ordini solutio, in præceptis mere Geometricis innixa, grata erit, II. Exponantur variæ doctorum virorum De Sexu Plantarum opiniones ita, ut exinde fœcundatio vegetabilis, cum animali comparata, eruatur, III. Quum Phænomena Electrica recentiorum alii fluidis duobus, alii unico adscribant: producantur argumenta, quibus singula systemata impugnari possint, et justa inde, ex allatis utrinque rationibus, deducatur conclusio, IV. AB ORDINE JURECONSULTORUM, Quæritur: Quid sit exceptio rei vendita et tradita; quæ ejus fundamenta, qui effectus; cui et contra quem detur; quisnam sit ejus usus in actione Publicianà? Singula responsa confirmentur tum ex textibus Juris Romani, tum a ratione: denique elucidentur decisiones circa hanc exceptionem notatu digniores, quæ in eodem jure sparsim inveniuntur, |